01.25.2008 Ang publiko ay muling pinag-iingat laban sa text scammers na patuloy ang panloloko sa ating mga kababayan, lalo na sa ating mga OFWs.
PAANO GINAGAWA ANG PANLOLOKO
Ang mga text scammers ay nagpapadala ng mga mapanlinlang na mensahe. Kunwari ay nanalo ng malaking halaga ang cellular phone number ng kanilang nais biktimahin sa isang diumano raffle ng Bangko Sentral ng Pilipinas o iba pang institusyon. Inuulit po namin! Walang pa-raffle ang Bangko Sentral na matagal nang nagbibigay babala sa ating mga kababayan laban sa text scam syndicates.
Ang mga manlilinlang ay gumagamit ng pekeng pangalan o nagpapakilalang mga opisyal diumano ng pamahalaan.
Hihingan nila ang biktima, bilang kondisyon upang makuha ang premyo, ng perang pambayad sa buwis at pre-paid load na ipapakarga diretso sa cellular phone numbers ng mga manlilinlang. Kapag nakuha na ng scammers ang pera at pre-paid load, hindi na sila muling makikipag-usap sa biktima.
ANO ANG GAGAWIN
Ipagbigay-alam kaagad ang anumang insidente ng nasabing scam sa:
ANTI-MONEY LAUNDERING COUNCIL SECRETARIAT
5/F, EDPC Building, Bangko Sentral ng Pilipinas Complex, Manila
Tel: 302-3982 and 524-7011 local 2372
o
CORPORATE AFFAIRS OFFICE ng BANGKO SENTRAL NG PILIPINAS
BSP Complex, Mabini St. Manila
Tel: 523-4832 and 524-7011 local 2259 | 
