04.06.2004 Mag-ingat sa kumakalat na “text scam” sa iba’t-ibang dako ng Pilipinas. WALANG KATOTOHANAN na ang Bangko Sentral ng Pilipinas ay nagpapa-ripa o “raffle” at namimigay ng malaking halaga. Ang Bangko Sentral ay walang kinalaman dito o sa ano mang uri ng patimpalak o “raffle” sa publiko. Ang “text scam” ay kagagawan ng mga masasamang tao. Ang kanilang “modus operandi” ay ang ipaalam sa inyo na kayo ay nanalo sa isang palahok diumano ng Bangko Sentral base sa pitong huling numero ng iyong “celphone number” at ang premyo ay malaking halaga na kadalasan ay isa o dalawang milyong piso. Bibigyan ka nila ng “account number” sa isang bangko at hihikayatin ka na magdeposito dito ng halaga para diumano sa kaukulang buwis ng premyo.
Huwag maniwala, bagkus ipaalam sa maraming tao para matigil na ang panloloko na ito. | 
