HOME  ABOUT THE BANK  MONETARY POLICY  BANKING SUPERVISION  PAYMENTS & SETTLEMENTS  STATISTICS  FEEDBACK CORNER
   BSP NOTES & COINS  MONETARY OPERATIONS  LOANS-CREDIT & ASSET MGT  PUBLICATIONS & RESEARCH  REGULATIONS  PROCUREMENT

Feedback Corner

Publications and Research

Media Releases

Wikang Filipino sa Barya at Salapi

12.28.2018

Nais ipahayag ng Bangko Sentral ng Pilipinas na ayon sa Seksyon 48 ng Republic Act No. 7653 o mas kilala bilang “The New Central Bank Act,” ‘Peso’ ang tawag sa unit ng halaga ng salapi sa bansa.

Gayunpaman, mula taong 1965 ay wikang Filipino1  ang ginagamit sa mga salaping papel at barya na inilabas ng Bangko Sentral kabilang ang salitang ‘Piso,’ bilang pagsasalin sa Filipino ng ‘Peso,’ at upang lubos na mapagtibay ang ating pagpapahalaga sa wikang pambansa.

Bukod sa paggamit ng wikang Filipino sa ating salapi, tampok din sa New Generation Currency (NGC) Banknote Series ang mga tanyag na likas yaman, mga makasaysayang lugar sa bansa at mga Pilipino na malaki ang naging bahagi sa paghubog ng kasaysayan ng Pilipinas. Sa NGC Coin Series naman ay tampok ang mga halaman na matatagpuan lamang sa ating bansa, at magigiting na bayani.

 Ang paggunita sa ika-122 na pag-alay ni Gat Jose Rizal ng kanyang buhay para sa bayan, ang bayaning tampok sa 1-Piso NGC coin, ay napapanahong pag-alala sa kahalagahan ng ating mga salaping papel at barya na simbolo ng kasaysayan at kultura ng ating lahi.

--------------------

1 Alinsunod sa Seksyon 6, Artikulo XIV ng 1987 Konstitusyon ng Republika ng Pilipinas, na nagsasaad na ang wikang pambansa ng Pilipinas ay Filipino.

RSS Subscribe for updates

Archives