​ ​ ​​ FB Share
 
​

​ ​Monetary Policy Report - February 2022

Report Highlights
​​
To read this in English, click here. ​

​​​​​Related Links



Sa kabuuan


​​​

​​

Hindi binago ng BSP ang key policy interest rate* na 2%.

​​

Sa pananaw ng BSP, papasok sa target range na 2%-4% ang inflation** sa susunod na dalawang taon.

Gayunpaman, may mga bagay na puwedeng magpataas ng inflation sa 2022.

​​

Inaasahan ng mga ekonomista mula sa pribadong sector na papasok sa nasabing target range ang inflation.

​​

Patuloy ang paglago ng ekonomiya ng bansa.

​

Dahil magiging manageable naman ang inflation, hindi kinailangan ng BSP baguhin ang key policy interest rate para patuloy na masuportahan ang ekonomiya ng bansa.

Patuloy na babantayan ng BSP ang lahat ng puwedeng magpataas sa presyo ng mga bilihin.



*Ang key policy interest rate ay ang interest rate ng reverse repurchase instrument na itinatakda ng BSP. Nagbibigay ito ng senyales ng pananaw ng monetary policy ng BSP.
**Ang inflation ay ang antas ng pagtaas ng presyo ng mga bilihin.





Hindi binago ng BSP ang key policy interest rate sa 2%.
​
Sa nakaraang monetary policy meeting noong 17 Pebrero 2022, hindi binago ng BSP ang 2% na key policy interest rate dahil inaasahang papasok sa target range na 2%-4% ang inflation para sa taong 2022 (3.7%) at 2023 (3.3%).
​​​​​



Ayon sa pananaw ng BSP, ang inflation ay papasok sa target range na 2%-4% sa susunod na dalawang taon.
​
Sa 2022, maaaring tumaas ang inflation dahil sa pagtaas ng presyo ng pagkain at langis sa bansa at isyu sa suplay ng ilang mga bagay sa labas ng bansa (na inahasaahang masosolusyunan sa 2023).

Sa unang bahagi ng 2022, inaasahang bababa ang inflation subalit lalampas ito ng bahagya sa 4% pagdating ng 2nd quarter. Samantala, papasok ito sa target range na 2%-4% sa 3rd at 4th quarters.

​​
​​

​


​​
Gayunpaman, may mga bagay na puwedeng magpataas ng inflation sa 2022.

Kahit maraming bagay na puwedeng magpataas ng presyo ng mga bilihin sa 2022, ang mga ito ay hindi inaasahang magpapatuloy sa 2023. Ang patuloy na pagtaas ng pandaigdigang presyo ng langis at pagkain, limitadong suplay ng karneng baboy sa loob ng bansa, at posibleng pagtaas ng ating pamasahe ay maaaring magpataas ng ating inflation (upside risks). Samantala, ang pagkaantala ng implementasyon ng mas maluwag ng quarantine restrictions at mas mabagal na economic recovery ng ibang bansa dahil sa patuloy na pagkalat ng mga bagong COVID-19 variants ay makakapagpahina ng demand at maaaring magpababa ng inflation (downside risks).
​​​​​


Inaasahan din ng mga ekonomista mula sa pribadong sektor na papasok sa 2%-4% target range ang inflation.
​
Ayon sa survey ng BSP noong Pebrero 2022, inaasahan ng mga ekonomista mula sa pribadong sektor na aabot sa 3.5% ang inflation sa 2022 (mas mataas nang kaunti sa 3.4% sa survey noong Enero 2022) na pasok sa target range na 2%-4%. Samantala, inaasahan nila ang mas mababang average inflation na 3.1% sa 2023 (mula sa 3.2% noong nakaraang survey) at 2.9% (mula sa 3.3%) sa 2024.
​​ ​
​​​​​



Patuloy ang paglago ng ekonomiya ng bansa.
​
Inaasahang patuloy na lalago ang ekonomiya ng bansa at babalik sa pre-pandemic level sa ikalawang bahagi ng 2022. Samantala, ang paglagong ito ay maaaring maapektuhan ng ilang pangyayari gaya ng pagkakaroon ng mga bagong COVID-19 variants at patuloy na kawalan ng katiyakan sa pandaigdigang economic recovery.

Lumago ang ekonomiya ng bansa ng 7.7% noong Q4 2021 (mula sa 6.9% noong nakaraang quarter) at ng 5.6% sa buong taon ng 2021 (na mas mataas sa government target range na 5.0-5.5%). Samantala, ang pagkakaroon ng mas mahigpit na quarantine restriction sa Kamaynilaan at ilang mga pangunahing probinsya dahil sa pagkalat ng COVID-19 Omicron variant noong January 2022, kasabay ng pinsala ng bagyong Odette, ay maaaring makaapekto sa paglakas ng ekonomiya ng bansa sa first quarter ng 2022. Sa kabilang banda, ang mga pag-gasta kaugnay sa nalalapit na eleksyon, posibilidad ng pagluwag ng quarantine restrictions sa second quarter ng 2022, patuloy na implementasyon ng malawakang pagbabakuna, pagdami ng trabaho, at economic recovery ng ibang bansa ay inaasahang magpapalakas ng demand na magpapalago naman sa ekonomiya ng Pilipinas.

​​​​​



Dahil magiging manageable ang inflation, hindi binago ng BSP ang key policy interest rate at patuloy pa din itong susuporta sa ekonomiya ng bansa.

​ May mga maaaring makapigil sa patuloy na paglago ng ekonomiya ng bansa gaya ng posibilidad ng delay sa malawakang pagbabakuna, patuloy na pagtaas ng pandaigdigang presyo ng langis at pagkain, at ang pagbawi ng mauunlad na bansa sa polisiyang nagpapalakas ng demand (supportive monetary policy)1 .

Dahil dito, masusing babantayan ng BSP ang timeline at strategy sa unti-unting pagbawi ng mga ipinatutupad na polisiyang may kaugnayan sa pandemic, bago itaas ang key policy interest rate. Patuloy nitong ipagbibigay-alam sa publiko ang mga developments ukol dito.

​​
​​



​
Habang patuloy na ipatutupad ng BSP ang mga polisiyang angkop sa economic condition ng bansa, handang tumugon ang BSP sa banta ng pagtaas ng presyo ng mga bilihin.

1 Ang pagbawi ng supportive monetary policy sa ibang bansa, kabilang ang pagtaas ng policy interest rates, ay puwedeng makapagpapahina sa pag-gasta sa mga bansang ito na puwede namang makabawas sa kanilang demand exports ng bansa, bukod sa iba pang epekto sa atin.

​



Dahil walang pagbabago sa key policy interest rate ng BSP na 2%, ano ang kahulugan nito?
​​​​




Para sa iyo ...
Mananatiling mababa ang halaga ng pag-utang o borrowing cost sa bansa. Dahil dito, mas afford mo nang mangutang para bumili ng motorsiklo o sasakyan at magpaayos ng bahay. Tumutulong itong palakasin ang kabuuang pagkonsumo na nagpapalago sa ating ekonomiya.



​​​​
​

Para sa isang negosyante ...
Ang halaga ng paghiram ng pera sa bangko ay mananatiling mababa kaya mas kaaya-ayang magsimula ng bagong pagkakakitaan o mag-expand ng kasalukuyang negosyo. Ito ay nakatutulong upang mapaunlad ang ating ekonomiya.






Video: Media Briefing


 



​
​ ​
​​​